Amiez il cor da Glion, directamein a l’entrada dil marcau vegl, sesanfla in «coworking space» publicamain accessibel cun locals inspironts e cun l’infrastructura tecnica la pli moderna. La purschida cuntegn l’affittaziun da plazzas da lavur singulas e da stanzas da sesida sco er la preparaziun d’adressas da firmas e da scaffas da brevs. Cumplettada vegn la purschida tras occurrenzas e tras lavuratoris regulars che promovan per l’ina l’idea da la communitad.

Questa purschida sa drizza ad indigens ed a novs indigens, a pendularias ed a pendularis, a nomads digitals ed a professiunals da work-from-Home, ad emploiadas ed emploiads, a mastergnonts, a persunas independentas ed a las IPM. Mo era scolars e students sco era uniuns e lur commembras e commembers sco er tut ils auters che encueran ina plazza per lavurar e per far raits ein beinvegnids.

Il liug pudess buc esser meglier. L’anteriur Pub Mundaun en la Städtlistrasse 2 ei la finala gia adina staus in liug da sentupada. Ed era el coworking 7130 s’entaupan carstgauns – per luvrar, brattar, far reits.