La vischnaunca organisescha mintg'onn la fiasta naziunala ufficiala ad Ilanz/Glion. Ei dat in program per ils affons, divertiment musical ed in'ustria organisada da differentas uniuns. La fiasta cumpeglia il cant dil himni naziunal, il salid dil president communal ed il tuchiez dils zenns. La Musica da Glion procura per il rom musical ed accumpogna il himni naziunal.La proxima fiasta naziunala ha liug gievgia, igl 1. d'uost 2024. La suprastonza communala e la direcziun selegran sin numerusas visitadras e numerus visitaders. La vischnaunca dad Ilanz/Glion giavischa alla populaziun in bi 1. d'uost.
