GRUPPAS EN MIRA - RESPONSABLADAD - TERMINS - CONTACT Ella vischnaunca dad Ilanz/Glion san producentas e producents da cultura, instituziuns (Museum Regiunal Surselva, Cinema sil Plaz, ludoteca, biblioteca da scola e vischnaunca), uniuns sco era auters purtaders elavurar projects culturals e dumandar contribuziuns da sustegn per quels. Aschia vul la vischnaunca motivar da s'engaschar culturalmein e gidar a sviluppar ed a realisar ideas.
Projects culturals han per il solit in'intenziun culturala particulara, vulan instradar in svilup ni contonscher ina finamira. Els ein da caracter unic, limitai temporalmein ed han in preventiv separau.
La cumissiun da cultura dalla vischnaunca dad Ilanz/Glion ei responsabla per valetar las damondas da sustegn. L'examinaziun suonda in catalog da criteris transparent.
PRINCIPIS DA PROMOZIUN GENERALS
CRITERIS FORMALS
CRITERIS QUALITATIVS
Termins per inoltrar projects Ins sa inoltrar da tut temps damondas da sustegn. La cumissiun da cultura tracta ellas denton mo quater gadas ad onn. Per la segirtad da planisaziun eis ei perquei d'avantatg d'inoltrar il project a moda prospectiva.
Las datas da referenza ein las suandontas:ils 31 da schaner, ils 30 d'avrel, ils 31 da fenadur ed ils 31 d'october (data dil bul postal). La cumissiun da cultura tracta las damondas enteifer sis jamnas suenter ils termins da referenza. La suprastonza communala decida en caussa.
PROCEDURA D'EXAMINAZIUN PER PROJECTS INOLTRAI
Adressa per inoltrar las damondas Vischnaunca Ilanz/Glion Post da coordinaziun per la cultura Angela Gulli Plazza Cumin 9 7130 Glionkultur@ilanz-glion.ch
